Bilbao Balioen Hiria Sarietara ekimenak aurkezteko epea zabalik

Bilboko Udalak dagoeneko ireki du Bilbao Balioen Sarien bosgarren ediziorako ekimenak aurkezteko epea. Bilbao Balioen Karta – Bilbao Balioen Hiria Bilboko Balioen Kartaren edukia bultzatzen duten erakundeen lana saritzea eta aintzatestea da lehiaketaren helburua, dokumentu honetan jasotzen diren 17 balioetako bat praktikan jartzen duten proiektuak garatuz. Proposamenak 2023ko urtarrilaren 20ra arte aurkez daitezke, participacion@bilbao.eus posta elektronikoaren bidez edo Udal Erregistroan, eta lehiaketaren hiru kategorietako batean kokatu behar dira:

• Udal Erakundeen Erregistroan inskribatuta dauden irabazi asmorik gabeko elkarte eta erakundeak.

• Bilboko ikastetxeetan, Haur Hezkuntzako, Lehen Hezkuntzako edo Derrigorrezko Bigarren Hezkuntzako, Batxilergoko eta/edo Erdi Mailako Heziketa Zikloko ikasleek parte hartu badute.

• Hirian dauden enpresak, dendak, ostalaritza, elkargo profesionalak eta antzeko beste erakunde batzuk.

3.300 euroko 3 sari banatuko dira, saritutako ekimenarekin zerikusia duten helburuetarako.

Kontsultatu oinarriak hemen 

BILBAO BALIOEN HIRIA

Bilbao Balioen Hiria Sariak Bilbao Balioen Hiria proiektuaren barruan kokatzen dira. Bilboko Udalak bultzatzen duen ekimen parte-hartzailea da baina, hasieratik, herritarren laguntzarekin eraiki eta garatu da. Bilbao Balioen Hiriaren helburua da hiria ezagutzea eta aitortzea, ez bakarrik ekonomia eta hiria biziberritzeko, berreskuratzeko eta eraldatzeko prozesu garrantzitsuagatik, baita haren balioengatik ere. Azterketarako, elkarrizketarako, hausnarketarako eta elkarlanerako gune bat sortu nahi da erakundeen, mota guztietako erakundeen, enpresen, komunikabideen, talde politikoen eta, oro har, herritarren artean. Nahi duen pertsona edo erakunde orok bat egin dezake Balioen Kartarekin, Udalaren webgunean zein Bilbao Balioen Hiriaren webgunean eskuragarri dagoen online inprimaki erraz bat betez.