BizkaiaGara ekosistema

BizkaiaGara boluntariotza, lan komunitarioa eta gizarte partaidetza aktibatzeko eta sustatzeko gune irekia da. Gune bizi bat, zeinetara gonbidatuta baitaude gizarte eraldaketarako herri mugimenduaren parte izan nahi duten eragile indibidual eta kolektibo guztiak.

  • 12 Ikastetxeak eta unibertsitateak
  • 9 Organizazio publikoak
  • 16 Enpresak
  • 265 Elkarteak / Fundazioak / GKEak
  • 1093 Pertsona boluntarioa
  • 11 Taldeak

Boluntariotzaren, lan komunitarioaren eta gizarte inplikazioaren tradizio luze baten parte gara.
BizkaiaGararen bitartez, pertsona, erakunde eta instituzioen herri konpromisoa indartu nahi dugu, guztia birpentsatzera gonbidatzen gaituen gizarte eraldaketa sakonen testuinguru batean.

Boluntariotza korporatiboko proiektuak garatzen ari diren edo aritu nahi duten enpresak ditugu. Proiektuak partekatzen ditugu eta zure ideiei forma ematen laguntzen dizugu, jarduera eremuak, boluntariotzako barne politikak pilotatzeko proiektuak edo eragileekin eta ekintzekin konektatzeko proiektuak identifikatuz.

Udalek, eskualde agentziek eta era guztietako erakundeek boluntariotza jarduerak garatzen eta sustatzen dihardute, eta BizkaiaGarak ezagutza, laguntza eta konexioa eskaintzen dizkie jarduera horietan.

Partaidetza soziala, aktibazioa eta boluntariotza sustatu nahi duten ikastetxeak eta unibertsitateak ditugu, BizkaiaGara-ren laguntzarekin, bai ikasleei eta irakasleei zuzendutako eraldaketa-ekintzetarako, bai aliantzak, sinergiak eta proiektu berriak bilatzeko.

Interes edota helburu komunak partekatzen dituzten pertsona-taldeak, 360 graduko ingurunean parte hartu nahi dutenak. Ingurune horretan, BizkaiaGara-k herritarren aktibazioa lortzeko gakoak eskainiko dizkie, laguntza teknikoaren, identifikazioaren, garapenaren eta ekintzen eta proiektuen abiaraztearen bidez.

Denbora, baliabideak, ezagutza... energia.

Ezaugarri horietakoren bat baldin baduzu, eta besteren zerbitzura aritu nahi baduzu, BizkaiaGara zara. Ekosistema honen lehengaia pertsonak baitira: beren ahalmenen eta aukeren arabera konpromisoa hartzeko pausoa ematen duten pertsonak.

Egin bat BG ekosistemarekin
Calatravak diseinatutako Bilboko Zubizuri zubiaren dekorazio-irudia