BizkaiaGara 2023an, ekintza solidarioaren beste urte bat

Bizkaiko pertsona, erakunde eta antolakundeen zerbitzura dagoen aktibazio solidariorako, boluntariotzarako eta komunitate-lanerako guneak urteko memoria argitaratu du. eta 2023an izandako lorpenak errepasatzen ditu

BizkaiaGarak herritarren ekintza solidarioarekiko, boluntariotzarekiko eta lan komunitarioarekiko konpromisoa sendotu du Bizkaian 2023an. 365 egunetan zehar, lurraldeko pertsona, erakunde eta elkarteen zerbitzura lan egin du, herritarren inplikazioa eta parte-hartzea sustatuz ekimen solidario eta komunitarioetan, Bizkaiko Foru Aldundiaren, EDE Fundazioaren eta BBKren sustapenarekin.

2023ko ekintza nabarmenen artean, BizkaiaGarak hainbat sentsibilizazio-jarduera egin zituen herritarren elkartasunaren garrantziaz kontzientziatzeko. Ekimenetako bat BizkaiaGara Eguna izan zen, Bizkaiko lurraldea hobetzeko helburuarekin 120 pertsona baino gehiago bildu zituen ingurumen-ekitaldia. Gainera, ikastetxeen arteko ekintza bat egin zen Santurtzin eta Muskizen, lau ikastetxetako ikasleak mobilizatuz gazteen parte-hartze solidarioa sustatzeko.

Proiektuen garapenaren arloan, BizkaiaGarak 12 ekimen aktibatu zituen guztira, propioak zein beste erakunde batzuekin lankidetzan egindakoak. Jarduera horietan 530 pertsona baino gehiagok parte hartu zuten;horien artean BForoa izan zen, 37 erakundek osatutako Bizkaiko boluntariotzako erakundeen foroa hain zuzen ere.

Bitartekaritza-jarduerek ere berebiziko garrantzia izan zuten BizkaiaGararen 2023ko lorpenetan. Bizkaiko agente eta erakundeekin egindako 30 topaketa baino gehiagoren bidez, balio-aliantzak egin ziren, pertsonen eta erakundeen arteko topaketa eta lankidetza sustatzeko. Jarduera horiei esker, laguntza- eta lankidetza-sareak sortu ziren, eta komunitate-ongizatearen aldeko konexioa eta elkarlana erraztu ziren.

Azkenik, BizkaiaGara komunikazioaren, trebakuntzaren eta aitortzaren esparruan nabarmendu zen. Webgunean 16 argitalpen eta sare sozialetan 1.100 argitalpen baino gehiago izan zituen, eta herritarrak informatuta eta konektatuta mantendu zituen bere jardueretara. Gainera, 20 prestakuntza- eta aholkularitza-ekintza egin ziren, eta aintzatespen-jarduerak ere egin ziren, hala nola BizkaiaGara Sariak. Ekimen horretan 150 pertsona baino gehiagok hartu zuen parte. Lorpen horiek BizkaiaGarak 2023. urtean Bizkaiko komunitatearekin iizandako konpromiso eta eragin positiboa islatzen dute.

Kontsultatu jarduera guztiak 2023ko memorian.