Pasa den otsailaren 23an, BizkaiaGarak AIESEC Bilbaok bultzatutako Gazte Zink ekimenean parte hartu zuen, euskal gazteriari ahotsa emateko helburua bete zuena, gizarte gisa ditugun erronkei dagokienez.
Bizkaiagarak Gazte Zink 2024an parte hartu du
Bertaratutakoek hitzaldi, tailer eta erronka desberdinez gozatu ahal izan zuten, parte-hartzaileen asmamena proban jarri zutenak, dena giro lasaian eta energiaz beteta.
Bestalde, Gazte Zink-en antolakuntzak gazte guztiei erronka egin zien bazkideek proposatutako erronkei konponbide berritzaileak proposatzeko, jasangarritasunarekin, gazteen emantzipazioarekin edo herritarren lankidetzarekin zerikusia dutenak, besteak beste, eta NBEren Garapen Iraunkorreko Helburuekin bat datozen.
Ildo horretan, BizkaiaGarak aurretik Bizkaiko unibertsitateekin landu zen erronka bat jarri zuen abian. Horiek irtenbide berritzaile bat bilatzen zuten inspirazioa bultzatzeko eta ikasleak gizarte-aldaketarako motor bihurtzeko leku gisa kokatzea lortzeko.
Sei talde aritu ziren lanean arratsaldean zehar, gure erronkari erantzun ahal izateko. Hiru orduz galdera hauei erantzun zieten: Zer ekintza jar ditzakete martxan unibertsitateek ikasleen konpromiso soziala bultzatzeko? Edo unibertsitate batek izan dezakeen inplikazio sozialean, zein da ikasleen zeregina?
Gazteek gai honi buruz duten ikuspegia ezagutzeko modu interesgarria izan zen eta entzutearen bidez aldaketaren berri ematea. Planteatu ziren 6 proposamenetatik, proposatutako helburuei gehien erantzuten ziena saritu zen.
Baina lana ez da hemen geratuko. GAZTE ZINKen jaso ziren ideiak , BizkaiaGarak unibertsitateekin batera lantzen jarraituko dute, baita gazteak inplikatzen ere.
Adi egon erronka horiek gauzatzeko ematen ditugun hurrengo urratsei.