Martxoaren 29tik apirilaren 21era bitartean zabalik egongo dira euskal gazteriarengan herrien eta kulturen arteko elkartasun kultura sustatu nahi duen egitarauaren izen emateak.
Euskadiko Gazteak Lankidetzan programan izena emateko epea irekitzear da
Aurrez hautatutako pertsonen izenak Gazteaukeran jakinaraziko dira apirilaren 27an. Bigarren fasean, Barriako aterpetxean (Narbaiza, Araba) hiru egunez (maiatzaren 12-14) aurrez hautatutako pertsonekin bilduko dira, barnetegi-erregimenean, Eusko Jaurlaritzako Gazteria Zuzendaritzak ezartzen dituen baldintzetan, eta nahitaezkoa da aurre-hautatutako pertsonentzat. Bileran, Batzordeak gehienez ere 100 titular hautatuko ditu hirugarren eta azken fasean parte hartzeko (maiatzak 20-21).
Ikusi egutegia
Euskal Herriko gazteak hegoaldeko herrialdeetan lankidetza-ekintzetan sentsibilizatzeko eta euskal gazterian herrien eta kulturen arteko elkartasun-kultura sustatzeko helburuarekin, hautatutako pertsonek zuzenean parte hartuko dute garapenerako lankidetza-ekintzetan Amerika, Asia eta Afrikako herrialdeetan, eta, horri esker, haien garapena gertutik ezagutzeko aukera izango dute.
Esperientziak hiru hilabete iraungo du, ahal dela 2023ko uztailetik urrira.
Eusko Jaurlaritzak gastu hauek ordaindu behar ditu:
• Joan-etorriko bidaia, helmugako herrialdean Garapenerako Gobernuz Kanpoko Erakundearekin harremanetan jartzeko punturaino.
• Bisatua.
• Erantzukizun zibileko poliza, istripuak eta bidaia-laguntza.
Izena eman hemen