Plentziako eta Gorlizeko badia, 2024ko BizkaiaGara Egunerako aukeratutako ingurunea

BizkaiaGara Egunak baditu jada eguna eta lekua ospatzeko. Urteroko ekitaldi hau, oraingoan ere Bizkaiko ingurune naturala hobetzeko herritarren mobilizazioan oinarritua, Plentzia eta Gorlizeko badian egingo da datorren irailaren 22an (igandea).

Ingurune hau, Bizkaiko pertsonek oso estimatua eta lasaia izateagatik ezaguna, 2024ko Bizkaia Gara Eguna ospatzeko aukeratu duten lekua izan da. Ekitaldia, edonola, Plentzia, Gorliz eta Barrikako udalerrietan jazoko da.

Ekimen honen helburu nagusia herritarrak aktibatzea eta lurraldearen ingurumen-beharrei modu kolektiboan heltzea da.

Helburu hori lortzeko, ingurune naturala garbitzeko eta kontserbatzeko hainbat jarduera egingo dira jardunaldian, hala nola urpekariak protagonista diren portuko eremua garbitzea, itsasotik itsaslabarretako zaborra biltzea, paddle surfean eta kayakean Plentziarik Butronerako norantzan itsasadarra garbitzea, edo Plentzia eta Gorliz arteko pasealekua garbitzea, besteak beste.

Gainera, ingurumen-kontzientzia eta parte-hartze komunitarioa sustatzeko, hezkuntza-jarduerak eta sentsibilizazio-uneak egingo dira jardunaldia girotzeko musikaz lagunduta. Garbiketa-jarduerak amaitzean, bazkari herrikoia antolatuko da parte-hartzaileen artean harremanak estutzeko.

2024ko BizkaiaGara Egunaren beste alderdi garrantzitsu bat elkarte-gune bat prestatzea izango da, hainbat erakundek interesa duten guztiei informazioa eta parte hartzeko aukerak emateko. Aurten, SARE BERDEAK, NAKUSARBE, TANTAK ELKARTEA, GOAZEN UP, MAREFONDUM-OCEANIDAS, MATER eta OLA SIN PLÁSTICOS erakundeen laguntza izango du ekitaldiak.

Erakunde horien babesari eta herritarren parte-hartze aktiboari esker, 2024ko BizkaiaGara Egunak ingurunean eragin positiboa sortzea bilatuko du, Bizkaiko komunitatearentzat etorkizun jasangarriagoa eraikitzen lagunduz.