Zorionak eta eskerrik asko, boluntario!

Abenduaren 5ean, astelehena, ospatuko den Boluntariotzaren Nazioarteko Egunaren esparruan, BizkaiaGara, boluntaren lekuko baliotsua hartzen duen herritarren ekintzarako, boluntariotzarako eta komunitate-lanerako gune berriak boluntarioek Bizkaian egin duten eta egiten duten lan handia nabarmendu, aitortu eta eskertu nahi izan du.

Azken 20 urteetako zifrek erakusten dute 2002an bolunta martxan jarri zenetik lurraldeak izan duen historia. Agentzia horrek, batez beste, 65.342 erabiltzaile izan ditu urtean 2002tik. Bestalde, boluntak 20.073 kontsultari erantzun die 2002 eta 2022 bitartean; urtean batez beste 300 sentsibilizazio-ekintza baino gehiagotan parte hartu du; 60 prestakuntza-ikastaro eskaini ditu batez beste urtero, eta horietan 20.013 pertsonak parte hartu dute azken 20 urteetan. Izan ere, elkarte-mugimenduari eta gainerako gizarte-eragileei laguntzeko zerbitzuez gain, partaidetzaren eta elkartasunaren balioak zabaltzeko sentsibilizazio-lanak ere funtsezkoak izan dira. Ekimen solidarioen esku jartzea Bilboko Ronda kaleko egoitzako areto-gela balioaniztunak; boluntariotzan hasi nahi zuten pertsonentzako orientazioa, informazio-topaketen formatuan; udako kanpainak; ekimenak ikastetxeekin eta unibertsitateekin, hala nola Begiraldatu edo Unikide programak; aholkularitza kudeaketa asoziatiboan edo Europako boluntariotzan; prestakuntza, erakundeen lan ona eta antolaketa eta barne-dinamizazio egokia bermatzeko helburuarekin (…). Hori guztia Bizkaiko Boluntariotza Agentziaren (bolunta) azken 20 urteetako historiaren parte izan da.

BizkaiaGara-k boluntariotza izaten jarraituko du 2023rako ardatz nagusietako bat, baina parte hartzeko eta lankidetzan aritzeko bide berriak ireki nahi ditu, eta azpimarratu nahi du oso garrantzitsua dela boluntarioek aktiboki parte hartzea 2030 Agendak planteatzen dituen 17 erronkak lortzeko. Boluntariotzaren Nazioarteko Egunean, BizkaiaGara-k argi du Garapen Iraunkorrerako Helburuak lortzeko gizarteko esparru guztietan konprometitutako pertsona ugari behar direla. 17. Helburuan, 2030 Agendak esplizituki aipatzen ditu boluntarioen taldeak helburu guztiak ezartzeko eragile gisa. 2030 Agendaren emaitzak eta irismena biderkatu egin daitezke boluntarioek egiten duten lanari esker. 

BizkaiaGara-k GIHekin lotzen diren proiektu guztiak biltzen ditu online ekosistema berri batean eta, horrela, argi geratzen da erakundeek eta boluntarioek GIH bakoitzari egiten dioten ekarpena: ingurumenarekin, pobreziarekin, hezkuntzarekin, osasunarekin, berdintasunarekin… zerikusia duten proiektuak. 

Gaur egun, Euskadiko Hirugarren Sektorearen Behatokiaren azken Barometroaren datuen arabera (2019), Euskal Autonomia Erkidegoak 158.500 boluntario ditu, eta horietatik %61 Bizkaian daude (97.500 boluntario). Bizkaiko 18 urtetik gorako biztanleen %10 konprometituta dago ekimen solidarioren batekin. “Beti azpimarratu dugu Bizkaia lurralde solidarioa dela. Urte hau oso garrantzitsua eta berezia izan da, BizkaiaGara-k bolunta-k Bizkaian boluntariotzaren arloan egin duen lan guztia bildu duelako; orain boluntariotzaren arloan ekimen eta ildo estrategiko berriak martxan jartzeko unea da”, aipatu du Leire Ortiz de Zaratek, BizkaiaGara-ren koordinatzaileak. “Joan den azaroaren 3an, albokaren bitartez, BizkaiaGara-k ohartarazi zigun Bizkaiak inoiz baino gehiago behar gaituela. Eraldaketaren soinuak gure atea jo du orain, eta boluntariotza eta parte-hartze sozialerako modu berrien erritmoak 2030 Agendarekin bat etortzea nahi dugu”.