Elena Todisco

Beste kultura batzuk ezagutzea eta haiekin elkarreragitea

Elena Todisco naiz, Milangoa naiz eta 26 urte ditut. Europako Elkartasun Kidegoa (EEK) programan izena ematea erabaki nuen, nirea ez den kultura bateko pertsonekin konektatu nahi nuelako eta nire erosotasun-eremutik kanpo zegoen egoera batean proban jarri nahi nuelako nire burua.

Nazioarteko boluntariotza honek, oraingoan, Bilbora ekarri nau, eta irailaren amaieratik BizkaiaGara taldeko kide naiz boluntario gisa, abendura arte. BizkaiaGara osatzen duten pertsonek nire harreran parte hartu dute eta egiten duten lanari buruzko prestakuntza eta informazioa ematen ari zaizkit. Une honetan, BizkaiaGara-n nire jarduera taldeari laguntzea da, batez ere gazteei zuzendutako jardueretan lagunduz, adibidez, Begoñako Andra Marin egindako Boluntariotza Azokan. Ildo horretan, nazioarteko boluntariotzak eskaintzen dituen edertasuna eta aukerak beste gazteei helaraztea espero dut.

Azkenik, eta ez horregatik garrantzi gutxiagokoa, oso pozik nago Bilbo gertutik ezagutu ahal izateaz, oso hiri interesgarria iruditzen baitzait eta, noski, gaztelania praktikatzen ari bainaiz.

Duela lau urte, energia hidroelektrikoko planta bat berreraikitzeko boluntariotza proiektu batean parte hartzeko aukera ere izan nuen, Santanderretik gertu dagoen herri batean, eta oso esperientzia ederra izan zen. Proiektutik eratorritako berezko lanez gain, taldeko jarduera asko genituen, hala nola jokoak edo hitzaldiak, ingurumena, gaurkotasuna edo feminismoa bezalako gaiei buruz. Jardunaldi hauek, batez ere feminismoari buruzkoak, oso interesgarriak egiten zitzaizkidan.

Nire ustez, nazioarteko boluntariotzak aukera bikaina eskaintzen die gazteei beste kultura batzuk ezagutu, eta ikusteko, egiteko eta pentsatzeko modu batzuk ezagutzeko eta haiekin elkarreraginean aritzeko. Gainera, oso tresna erabilgarria da estereotipoak eraisteko eta gaitasun, harreman eta sinergia berriak sortzeko.