"6 eta 12 urte bitarteko aniztasun funtzionala duten Saharako haurrei zuzendutako harrera eta inklusiorako uda Bizkaian."
Rio de Oro Durangaldea
Proiektu honek 12 adin txikiko haur sahararrak hartuko ditu Izurtzan kokatutako aterpetxe batean, uztail eta abuztuan zehar. Horrela, aniztasun funtzionala duten saharako haurrak basamortuko tenperatura altuetatik aldenduko dira, eta uda segurua izango dute osasun arretarekin, elikadura orekatuarekin eta sentsibilizazioa zein ongizatea sustatzen dituzten jarduerekin.
Koordinazioa egokia izan dadin, esperientzia duten eta berriak diren boluntarioen arteko oreka bilatzen da. Taldeak koordinatzaile bat izango du, eta baita hiru monitore sahararren laguntza ere (Saharako errefuxiatuen kanpamentuetan hezkuntza bereziko edo sentsorialeko zentroetan lan egiten dute).
Ez da aurretiko esperientziarik behar, baizik eta laguntzeko gogoa eta esperientzia eraldatzaile bat bizitzeko prestasuna.
9 txanda egongo dira, bakoitza astebeteko iraupenarekin. Txandak ostiraletik ostiralera izango dira (egunean 24 orduz, 7 egunez). Lehen eguneko sarrera-ordua 14:00etan izango da, eta zazpi egun geroago, ostiralean, irteera 17:00ak aldera. Boluntario bakoitzak 1 edo 2 txanda aukeratu ahal izango ditu udan zehar. Gainera, nahi dituen beste aste batzuetan ere izena eman ahal izango du erreserba modura, norbait baja hartuz gero ordezkapena egiteko. (Informazio gehiago beharrezkoa bada: https://riodeorodurango.com/es/voluntariado/)
Proiektua ekainaren 27an hasiko da eta abuztuaren 29an amaituko da (baina boluntario bakoitzak bere txanda egokituta izango du).
Proiektuaren xede-biztanleria aniztasun funtzionala duten 6 eta 12 urte bitarteko adingabe sahararrak izango dira, baita haiei lagunduko dieten hezitzaile sahararrak ere.
Espazio segurua, inklusiboa eta errespetuzkoa sortzea da gure helburua: pertsona guztiak —adin txikikoak eta boluntarioak— baloratuta, entzunda eta norbera izateko askatasunarekin sentitzea. Bizikidetza enpatian, aniztasunean eta elkarrekiko errespetuan oinarrituko da. Kanpamentu honetan ez dira onartuko jarrera arrazistak, sexistak, homofobikoak edo beste edozein diskriminazio forma. Horrez gain, proiektuak lan kolektiboaren filosofia du. Monitoreek ez dute soilik eginkizunak beteko, baizik eta partehartze aktibo bat izango dute erabakiak hartzean eta jardueren antolaketan.