Derandein Fundazioak Afrika subsahariarrean hainbat proiektu babesten ditu. Hau horietako bat da.
Derandein Fundazioa
Karatu PadWorks MSCCK Tanzaniako erakundeak bultzatuko duen ekintzailetza soziala izango da. Proiektuaren helburua Arushako eskualdean hilekoaren higiene-produktuen sarbide faltari erantzutea da; premiazko beharra da hori, Tanzaniako milaka neska eta neraberi eragiten diena eta, beste ondorio batzuen artean, eskola-uztea eragiten duena.
Prezio altuen ondorioz, emakume askok metodo osasungaitzetara jotzen dute, hala nola trapuak edo kartoia erabiltzera, horrela beren osasuna arriskuan jarriz eta desberdintasuna betikotuz.
Proiektuak tokiko eta jasangarri den irtenbide baten alde egiten du: kalitatezko konpresa berrerabilgarrien ekoizpena, TBS, TMDA, UNICEF eta UNFPAren estandar nazional eta nazioartekoen arabera, Karatuko barrutian egoera zaurgarrian dauden 7 gaztek eta 50 emakumek ekoitzita.
Hilekoaren higiene-produktuen sarbidea hobetzeaz gain, ekimenak diru-sarrerak sortuko ditu ekoizleentzat, haien ahalduntze ekonomikoa sustatuko du eta hilekoaren inguruko tabu soziala apurtzen lagunduko du.
Produktuak eskoletan, GKEetan, farmazietan, dendetan eta merkatuetan banatuko dira, tokikotik abiatuta komunitate-onarpenean lagunduz. Karatu PadWorks proiektu integral gisa planteatzen da, historikoki ikusezina izan den gai bat ikusarazi eta landuz, osasuna, berdintasuna eta komunitate-garapena sustatzen baititu genero-ikuspegi eta jasangarritasunarekin.
Derandein taldearekin batera, pertsona boluntarioak honako jarduerak egin ahal izango ditu: Sentsibilizazio-ekintzetarako material didaktikoak lantzea. Sentsibilizazio-ekintzetan parte hartzea. Hedapena eta komunikazioa. Proiektuetarako informazioa bilatzea eta biltzea. Bazkide kolaboratzaile berriak bilatzea eta haiekin harremanetan jartzea.
Nazioarteko lankidetzan interesa duen edozein pertsona.