Emakume santutxutarren lana eta ekarpen komunitarioa ikustarazteko egingo diren elkarriketak burutzeko eta editatzeko laguntza behar dugu
Oscarte GGKE
Ekintza honen helburua Santutxuko gizarteko hainbat esparrutan aritu diren emakumeen istorioak eta ekarpenak aintzat hartu eta ikusaraztea da, horietako asko ikusezin mantendu baitira.
Prozesu parte-hartzaile bat jarraituz, elkarrizketak burutuz eta topagune komunitario baten sorreraren bidez, berdintasunari buruzko hausnarketa kolektiboa bultzatu, emakume anitzen erreferenteak indartu eta emakumeen rol eraldatzaileaz kontzienteagoa den komunitate justuago bat sustatu nahi da.
Boluntarioak behar ditugu emakumeei egingo dizkiegun elkarrizketak burutzen eta argitaratzen laguntzeko, hau da, elkarrizketak egiteko momentuetan hauek grabatzeko eta ondoren, elkarrizketen edukiak argitaratzeko.
Parte-hartzea puntuala eta aurrez aurrekoa izango da. Sei elkarrizketa egingo dira, 30 minutu eta ordubete bitartekoak, eta ediziorako, ordubete inguru elkarrizketa bakoitzeko.
Boluntarioen parte-hartzea puntuala eta aldizkakoa izango da 2026ko otsailetik maiatzera bitartean.
Informazio gehiago jasotzeko, jarri gurekin harremanetan hurrengo email helbidearen bitartez: helene@oscarte.org