Elkargune logika batetik abiatuta, Begira Elkarteak ahulean dauden pertsona taldeen eskura jartzen du eskola hau, heien lan-inklusioa hobetzeko.
Begira Elkartea
Begira Elkarteak proposatzen duen ikus-entzunezko prestakuntza-proiektuak hainbat errealitate zeharkatzen ditu zailtasun sozial eta/edo ekonomikoek eragin handia duten ingurune batean. Pertsona zaurgarrien taldeekin elkargune logika batetik lan egiten dugu, desberdintasun sozial eta ekonomikoek kaltetutako taldeak lehenetsiz.
Helburu ditugun kolektiboen beharrak identifikatu ondoren, badakigu haien inklusiora eta lan-prestakuntzara bideratutako esku-hartzeen beharra premiazkoa dela. Horregatik jarri zen martxan Begira eskola, talde ahulenetako partaide diren pertsonen prestakuntza eta lan bizitzan benetako funtzio bat betetzeko helburuarekin.
Xedea, ikus-entzunezko sormenaren bidez pertsonak ahalduntzea da, haien autoestimua, trebetasun sozialak eta etorkizun ikuspegia hobetuz. Aldi berean, pertsona horiei eragiten dien errealitateak hezkuntza sistema haien beharretara egokitzea eskatzen duela, eta ez alderantziz, kontuan hartzen dugu.
Parte hartzaile bakoitzaren egoera partikularra ahalik eta modurik sentikorrenean jorratzen saiatuko gara ikaskuntza inklusibo baten bitartez. “Eginez ikasi” metodologia erabiliz, sormen tresnak erabiltzea sustatzen da gaitasun artistikoak garatzeko, emozioak adierazteko eta bokazio profesionalak pizteko.
Gizarteratzeko eta laneratzeko hezkuntza-proiektu honek epe laburrean emaitza nabariak lortzea du helburu, eragin sozial garrantzitsua sortzeko gai izanik.
Proiektu honetan parte hartu nahi duten pertsona dinamikoen bila gabiltza! Asko gustatuko litzaiguke elkartearen barruan funtzio desberdinak bete ditzaketen profil anitzak dituzten pertsonak ezagutzea. Adibidez: Arte Ederretan eta ikus-entzunezkoetan ikasketak edo interesak dituzten pertsonak, ikastaroaren prestakuntzan eta proiektuaren hedapenean laguntzeko; administrazio-laguntzaileak ikastetxearen kudeaketa indartzeko edota gizarte-arloko ikasketak duten pertsonak (gizarte hezkuntza, gizarte-lana, pedagogia, psikologia...) txertatze soziolaboralaren arloan laguntzeko. Idatzi iezaguzu, ziur asko zure ezaugarriak eta interesak proiektuaren beharretara egokitzeko modua aurkituko dugu!
Begira Elkarteak proposatzen duen ikus-entzunezko prestakuntza-proiektuak hainbat errealitate zeharkatzen ditu zailtasun sozial eta/edo ekonomikoek eragin handia duten ingurune batean. Pertsona zaurgarrien taldeekin elkargune logika batetik lan egiten dugu, desberdintasun sozial eta ekonomikoek kaltetutako taldeak lehenetsiz.